ნაპოლი გამოსავლის პოვნას ცდილობს - ბოლო ცნობები კვარას კონტრაქტზე
იტალიურ პრესაში, ხვიჩა კვარაცხელიას კონტრაქტთან დაკავშირებით ახალი ინფორმაცია ხდება ცნობილი. გავლენიანი გამოცემა la Gazzetta dello Sport-ის ინფორმაციით, აურელიო დე ლაურენტისმა ფეხბურთელის აგენტს, მამუკა ჯუღელს ოფიციალურად 5-მილიონიან ევროიანი შეთავაზება წარუდგინა.
გამოცემა წერს, რომ მხარეებს შორის მოლაპარაკებები ახალ ეტაპზე გადავიდა და ნეაპოლური მხარე ჩიხში შესული საუბრისგან გამოსავლის პოვნას ცდილობს.
შეგახსენებთ, ხვიჩას ნეაპოლურ კლუბთან კონტრაქტი 2027 წლის 30 ივნისამდე აკავშირებს, ანაზღაურების სახით კი 1.8 მილიონ ევროს იღებს.
იტალიური მედიის ინფორმაციით, მხარეებს შორის მოლაპარაკებები სანაკრებო პაუზის შემდეგ განახლდება.
