შანხაის მასტერსის გამარჯვებულს ჯოკოვიჩი და სინერი გამოავლენენ

მსოფლიოს მეოთხე ჩოგანმა, სერბმა ნოვაკ ჯოკოვიჩმა შანხაის მასტერის ფინალის საგზური მოიპოვა. „ნოლემ“ ნახევარფინალში მეშვიდე ჩოგანი, ამერიკელი ტეილორ ფრიცი 6:4, 7:6 (8:6) დაამარცხა.

მატჩი 1 საათსა და 55 წუთს გაგრძელდა. სერბმა ჩოგბურთელმა 7 ეისი შეასრულა, არც ერთი ორმაგი შეცდომა არ დაუშვია და 9 ბრეიქპოინტიდან ერთი გამოიყენა.

ფრიცის ანგარიშზე 6 ეისია, ხუთი ორმაგი შეცდომა და ორი ბრეიქპოინტიდან არც ერთი.

ფინალში ჯოკოვიჩის მეტოქე მსოფლიოს პირველი ჩოგანი, იტალიელი იანიკ სინერი იქნება, რომელმაც ნახევარფინალში ჩეხი ტომაშ მახაჩი 6:4, 7:5 დაამარცხა.

აღსანიშნავია, რომ ფინალში წარმატების მიღწევის შემთხვევაში ნოვაკ ჯოკოვიჩი ATP-ის მე-100 ტიტულს მოიგებს.

შანხაის მასტერსის ფინალი 13 ოქტომბერს გაიმართება.