„კარლსრუეში“ სინჯებზე მყოფმა სანდრო ნარიმანიძემ ამხანაგურ მატჩში ითამაშა
„იბერია 1999“-ის ცენტრალურმა მცველმა, სანდრო ნარიმანიძემ, რომელიც „კარლსრუეში“ სინჯებზე იმყოფება, გერმანული კლუბის მაისურით ამხანაგურ მატჩში მიიღო მონაწილეობა
„კარლსრუემ“ ამხანაგური მატჩი მესამელიგელ „ვეჰენ ვისბადენის“ წინააღმდეგ გამართა და 1:3 დამარცხდა.
ნარიმანიძე მოედანზე 69-ე წუთზე, 45-ნომრიანი მაისურით გამოჩნდა, როდესაც ანგარიში უკვე 1:2 იყო. ახალგაზრდა ქართველმა მარცხენა ცენტრალური მცველის პოზიციაზე ითამაშა.
შეგახსენებთ, რომ 19 წლის ნარიმანიძემ „კარლსრუეში“ რამდენიმე დღე ივარჯიშა და ამ მატჩის შემდეგ სამშობლოში დაბრუნდება.
სანდრო „იბერია 1999’’-ის აღზრდილია, 6 წლიდან აღნიშნული კლუბის აკადემიაში ირიცხებოდა. პირველ გუნდში სადებიუტო მატჩი გასულ წელს თბილისის „დინამოსთან’’ ჩაატარა, გიორგი მიქაძემ ცვლილებაზე ათამაშა. მიმდინარე სეზონში კრისტალბეთ ეროვნული ლიგის 12 მატჩში მიიღო მონაწილეობა (3 სასტარტო).
