„კვარაცხელიას ლაციოში მოყვანას ვაპირებდი, მაგრამ... “ | იგლი ტარე

„ლაციოს“ ყოფილმა სპორტულმა დირექტორმა, იგლი ტარემ TvPlay-სთან ინტერვიუში კლუბში გატარებულ წლებსა და გამოცდილებაზე ილაპარაკა.

ყოფილმა ალბანელმა ფეხბურთელმა ხვიჩა კვარაცხელიაზეც ილაპარაკა. როგორც ტარემ თქვა, „ლაციოს“ ქართველი ფეხბურთელის დამატება სურდა.

„კვარაცხელია „ლაციოსთვის“ ვარიანტი იყო, მაგრამ ვერ გეტყვით, რატომ არ გადმოვიდა. ძალიან დასანანია, რადგან შესაძლებლობა ძალიან რეალური იყო“, - თქვა ტარემ.

შეგახსენებთ, რომ 7 ტურის შემდეგ, „ნაპოლი“ სერია A-ს სატურნირო ცხრილში 16 ქულით პირველ ადგილზე იმყოფება, ხვიჩა კვარაცხელიას კი 7 მატჩში 3 გოლი და 2 საგოლე გადაცემა აქვს. ანტონიო კონტეს გუნდი მომდევნო შეხვედრას სანაკრებო პაუზის შემდეგ, 20 ოქტომბერს საბა გოგლიჩიძის „ემპოლის“ წინააღმდეგ გამართავს.