რეალმა კარვახალის შემცვლელის ძებნა დაიწყო - ვის განიხილავს სამეფო კლუბი

5 ოქტომბერს, ლა ლიგის მორიგ ტურში, მადრიდის „რეალმა“ „ვილიარეალს“ უმასპინძლა და 2:0 დაამარცხა.

მატჩის მიმდინარეობისას, დანიელ კარვახალმა უმძიმესი ტრავმა მიიღო. ესპანელმა უკანახაზელმა ჯვარედინი მყესი გაიწყვიტა, რის გამოც მისთვის სეზონი დასრულებულია.

ESPN-ის ინფორმაციით, კარვახალის პოზიციაზე „რეალს“ უკვე 10 მოთამაშე შესთავაზეს. შთამბეჭდავი კანდიდატურების გაფორმება ძალიან რთული იქნება იმის გათვალისწინებით, რომ მათ სხვა კლუბებთან აქვთ კონტრაქტი გაფორმებული.

როგორც გამოცემა წერს, მადრიდელები ფიქრობენ, რომ იანვრის ტრანსფერის დროს, შესაფერისი ვარიანტის პოვნა რთული იქნება.

კარვახალის ხანგრძლივი არყოფნის განმავლობაში, მარჯვენა მცველის პოზიციაზე, მის მთავარ შემცვლელად ლუკას ვასკესი მოიაზრება. ამასთან, კლუბში ეჭვი ეპარებათ, რომ ვასკესს ამ პოზიციაზე თამაშის შესაძლებლობა აქვს, როგორც ახალ მოთამაშეს.

გამოცემა წერს, რომ კარლო ანჩელოტის სურვილია, კლუბმა თავისი თავდაცვითი შესაძლებლობები გააძლიეროს.

„რეალი განაგრძობს ტრენტ ალექსანდერ-არნოლდსა და ალფონსო დევისზე დაკვირვებას, თუმცა ორივე შემთხვევაში ამოცანას მათ კლუბებთან პოტენციური მოლაპარაკებები ართულებს.

მადრიდი ცდილობს საკითხი მალე გადაჭრას და ასევე უფრო ახალგაზრდა მოთამაშეები ეძებოს, რათა კონტრაქტის უფრო ხანგრძლივი დროით გაფორმება შეძლოს“, - წერს გამოცემა.