ტურის ტოპ 5 გოლი | ქოჩორაშვილის გასროლა საუკეთესოთა შორის
ესპანეთის ლა ლიგა ორის მე-7 ტურში, გიორგი ქოჩორაშვილმა „ალმერიას“ გაუტანა. ქართველმა ნახევარმცველმა დამაგვირგვინებელ ფაზაში ბრწყინვალედ იმოქმედა და მისი გასროლა ტურის ტოპ 5 საუკეთესო გოლს შორის მოხვდა.
ქოჩორაშვილის დარტყმა ლა ლიგა ორის ოფიციალურმა გვერდმა გამოარჩია. გიორგის გარდა, ხუთეულში ადგილი ნიკო ფერნანდესმა (ელჩე), ბორხა სანჩესმა (ბურგოსი), გილერმო როსასმა (ხიხონი) და ხავიერ ონტივეროსმა (კადისი) დაისაკუთრეს.
???? ¡A disfrutar del TOP 5 GOLES de la J7 de #LALIGAHYPERMOTION!
— LALIGA HYPERMOTION (@LaLiga2) October 1, 2024
???? Kochorashvili (@LevanteUD)
???? @Guillerosas_2 (@RealSporting)
???? @javiontiveros39 (@Cadiz_CF)
???? Borja Sánchez (@Burgos_CF)
????️ Nico Fernández (@elchecf)
????️ ¿Cuál es el más espectacular? pic.twitter.com/uv482yvTQb
ცნობისთვის, ლა ლიგა ორის 7 ტურის შემდეგ, „ლევანტე“ სატურნირო ცხრილის ლიდერია. ქოჩორაშვილის გუნდს 14 ქულა აქვს და მომდევნო შეხვედრას 6 ოქტომბერს გამართავს. თბილისის დროით, 20:30-ზე, ვალენსიელები საკუთარ კედლებში „ოვიედოს“ დაუპირისპირდებიან.
გეტყვით იმასაც, რომ ქოჩორაშვილს მონაწილეობა 6 შეხვედრაში აქვს მიღებული და მის ანგარიშზე 2 გოლი და ამდენივე საგოლე გადაცემაა.
