მაკტომინეი: კვარა და ლუკაკუ საუკეთესოები არიან, ვისთანაც კი მითამაშია
„ნაპოლიში“ ახლახან გადასულმა სკოტ მაკტომინეიმ გუნდზე ისაუბრა და თქვა, რომ კვარა და ლუკაკუ საუკეთესოები არიან, ვისთანაც კი უთამაშია.
შოტლანდიელი ფეხბურთელის განმარტებით, სერია A-ში ტაქტიკურად უფრო დატვირთული თამაშებია, ვიდრე ინგლისში.
„ძალიან აღფრთოვანებული ვარ იტალიის ჩემპიონატის დონით. გუნდი მოედანზე ძალიან კარგია. შემიძლია ვთქვა, რომ იმ ფეხბურთელებიდან, ვისთანაც მითამაშია, ლუკაკუ ფიზიკურად ყველაზე ძლიერია, კვარა კი ყველაზე ტექნიკური. ის ამ მხრივ ყველაზე მეტად არის დაჯილდოებული", - თქვა მაკტომინეიმ.
McTominay: "Lukaku e Kvaratskhelia i più forti con cui abbia mai giocato! Conte con Fabregas perse contro me e Romelu. La Serie A mi ha impressionato, sui tifosi del Napoli..." https://t.co/rwY0QLmALw ???? Leggi l'articolo #SSCNapoli #Napoli pic.twitter.com/Z3Bc4mMxCc
— CalcioNapoli24.it (@CalcioNapoli24) October 1, 2024
მიმდინარე სეზონში, კვარამ „ნაპოლის“ მაისურით სერია A-ში მე-6 შეხვედრა ჩაატარა და თავი 3 გოლითა და 2 საგოლე გადაცემით გამოიჩინა. მისმა გუნდმა ზედიზედ მე-5 შეხვედრა მოიგო და სატურნირო ცხრილში 13 ქულით პირველ ადგილზე გადაინაცვლა. ნეაპოლელებს მომდევნო შეხვედრა 4 ოქტომბერს, საკუთარ მოედანზე „კომოს“ წინააღმდეგ ელით.
