ჰოლანდი პირველია | პრემიერლიგის ფეხბურთელების განახლებული სატრანსფერო ღირებულებები
Transfermarkt-მა ინგლისის პრემიერლიგის ფეხბურთელების სატრანსფერო ღირებულებები განაახლა და „მანჩესტერ სიტის“ ფორვარდი, ერლინგ ჰოლანდი 200 მილიონ ევროდ შეაფასა.
ეს Transfermarkt-ის ისტორიაში მეორე შემთხვევაა - პირველმა 200-მილიონიანი ნიშნული 2018 წელს კილიან მბაპემ გადალახა.
შესაბამისად, ჰოლანდის ღირებულება ამჟამად მადრიდის „რეალის“ ვარსკვლავური ტრიოს ღირებულებას აღემატება: ვინისიუსს, ჯუდ ბელინგემსა და კილიან მბაპეს Transfermarkt-ი 180 მილიონად აფასებს.
პრემიერლიგის ყველაზე ძვირადღირებული ფეხბურთელების პირველი 11-ეული ასე გამოიყურება:
- ერლინგ ჰოლანდი, მანჩესტერ სიტი - 200 მლნ ევრო;
- ფილ ფოდენი, მანჩესტერ სიტი - 150 მლნ ევრო;
- ბუკაიო საკა, არსენალი - 140 მლნ ევრო;
- როდრი, მანჩესტერ სიტი - 130 მლნ ევრო;
- დეკლან რაისი, არსენალი - 120 მლნ ევრო;
- მარტინ ოდეგორი, არსენალი - 110 მლნ ევრო;
- კოულ პალმერი, ჩელსი - 90 მლნ ევრო;
- ბრუნო გიმარაეში, ნიუკასლი - 85 მლნ ევრო;
- უილიამ სალიბა, არსენალი - 80 მლნ ევრო;
- ლუის დიასი, ლივერპული - 80 მლნ ევრო;
- რუბენ დიაში, მანჩესტერ სიტი - 80 მლნ ევრო.
აღსანიშნავია, რომ „ტოტენჰემის“ ყველაზე ძვირადღირებული ფეხბურთელი ჯეიმს მედისონია (70 მლნ ევრო, მე-20 ადგილი), ხოლო „მანჩესტერ იუნაიტედის“ - ბრუნო ფერნანდეში (65 მლნ ევრო, 23-ე ადგილი) - იხილეთ სრული სია.
