აბუ-დაბის გრანდ სლემზე, ძიუდოისტთა ნაკრების შემადგენლობა ცნობილია

11-13 ოქტომბერს, არაბთა გაერთიანებულ საემიროების დედაქალაქ აბუ-დაბიში ძიუდოისტთა ტრადიციული გრანდ სლემი გაიმართება, რომელშიც მონაწილეობას საქართველოს ნაკრებიც მიიღებს.

ჩვენი გუნდის მწვრთნელების გადაწყვეტილებით, ტურნირზე საქართველოს ნაკრები გადახალისებული შემადგენლობით, 9 ვაჟი ძიუდოისტით გამოვა.

საქართველოს ნაკრების შემადგენლობა:

• -60 კგ. - ნიკა ხუზაურაშვილი, ლუკა მოდებაძე.
• - 66 კგ. - ლაშა ნადირაძე.
• -73 კგ. - გიორგი ჩიხელიძე, გიორგი ტერაშვილი.
• -81 კგ. - დიმიტრი გოჩილაიძე, ზაურ დვალაშვილი.
• -90 კგ. - ლუკა ბაბუციძე.
• -100 კგ. - მიხეილ ჯაფარიძე.

მოახლოებულ ტურნირზე საქართველოს +100 კგ. წონით კატეგორიაში წარმომადგენელი არ ეყოლება.

მიმდინარე წელს ძიუდოში დიდი ტურნირები, როგორებიცაა ევროპისა და მსოფლიოს ჩემპიონატები, არ გაიმართება, ყველაზე მნიშვნელოვანი ტურნირი კი აბუ-დაბის გარდა, ტოკიოშია დაგეგმილი. ტოკიოს გრანდ სლემი 7-8 დეკემბერს გაიმართება და სავარაუდოდ, წონის ლიდერებიც სწორედ ამ ტურნირზე იასპარეზებენ.