„ძმებივით ვართ“ - კლაიბერნი შენგელიასთან ურთიერთობაზე
წელს ევროლიგაზე ერთ-ერთი მნიშვნელოვანი ტრანსფერი „ვირტუს ბოლონიაში“ უილ კლაიბერნის გადასვლა იყო.
ამერიკელმა კალათბურთელმა Eurohoops-თან ინტერვიუში ახალ კლუბზე და თორნიკე შენგელიასთან მეგობრულ ურთიერთობაზე ილაპარაკა.
„არ მგონია, ბევრმა იცოდეს, მე და თოკოს როგორი ურთიერთობა გვაქვს - ჩვენ ძმებივით ვართ. ერთმანეთის კარგად ვიცნობთ და ერთმანეთს ვკითხულობთ. მე მას რამდენიმე მოძრაობაც კი „მოვიპარე“. უკვე რამდენი წელია ვუყურებ ფარქვეშ რა შეუძლია“, - თქვა კლაიბერნმა.
ცნობისათვის, იტალიის საკალათბურთო ჩემპიონატის წლევანდელი გათამაშება თვის ბოლოს დაიწყება და შენგელიას და მისი თანაგუნდელების პირველი მეტოქე 29 სექტემბერს „ტრაპანი“ იქნება.
