წიტაიშვილის გრანადას ახალი მწვრთნელი ჰყავს
გიორგი წიტაიშვილის „გრანადას“ ახალი მწვრთნელი ჰყავს. კლუბის ოფიციალურ ვებგვერდზე მიერ გამოქვეყნებული ინფორმაციის თანახმად, „გრანადას“ გამოცდილი ფრან ესკრიბა გაწვრთნის.
????????❤️???? pic.twitter.com/kWhdR2qH9q
— Granada CF ❤️⚪️ (@GranadaCF) September 23, 2024
59 წლის ესკრიბამ სამწვრთნელო კარიერა „ელჩეში“ დაიწყო, სხვადასხვა დროს მუშაობდა „ხეტაფეში“, „ვილიარეალში“, „სელტასა“ და „სარაგოსაში“.
2012/13 წლების სეზონში ფრან ესკრიბამ „ელჩესთან“ ერთად ლა ლიგა 2 მოიგო და გუნდი უმაღლეს დივიზიონში დააწინაურა.
შეგახსენებთ, რომ რამდენიმე დღის წინ „გრანადამ“ არადამაკმაყოფილებელი შედეგების ფონზე ზაფხულში მთავარი მწვრთნელის თანამდებობაზე დანიშნულ გილიერმო აბასკალთან კონტრაქტი გაწყვიტა.
6 ტურის შემდეგ გიორგი წიტაიშვილის გუნდი 6 ქულით ლა ლიგა 2-ის სატურნირო ცხრილის მე-16 პოზიციაზეა.
„გრანადას“ თავკაცის რანგში ფრან ესკრიბას დებიუტი 29 სექტემბერს შედგება, როდესაც წიტაიშვილის გუნდი „ბურგოსს“ ესტუმრება.
