ანჩელოტი: “ბელინგემს მხარი არ აწუხებს, ალავესთან ითამაშებს“

ლა ლიგის გასულ ტურში მადრიდის რეალმა ესპანიოლი 4:1 დაამარცხა. მატჩის მიმდინარეობისას, ჯუდ ბელინგემს მხარი აწუხებდა, რამაც ბლანკოსის გულშემატკივრების ნერვიულობა გამოიწვია.

მოგეხსენებათ, ინგლისელ ნახევარმცველს მსგავსი პრობლემა ადრეც ჰქონდა და ამის გამო რამდენიმე მატჩი გამოტოვა.

ალავესთან მატჩისწინა პრესკონფერენციაზე, კარლო ანჩელოტიმ გულშემატკივრები დაამშვიდა და განაცხადა, რომ ბელინგემი მწყობრშია და აბსოლუტურად არაფერი აწუხებს. ჯუდი შემდეგ ტურში ჩვეულებრივად ითამაშებს.

შეგახსენებთ, რომ მადრიდის რეალისა და ალავესის დაპირისპირება 24 სექტემბრით თარიღდება და თბილისის დროით 23:00-დან დაიწყება.

ასევე შეგახსენებთ, სამეფო კლუბს 6 ტურის შემდეგ, 14 ქულა აქვს და სატურნირო ცხრილში მეორე ადგილზე იმყოფება, ლიდერ ბარსელონას კი 4 ქულით ჩამორჩება.