მატჩის MVP გახდა - შენგელიამ ვირტუს ბოლონია ფინალში გაიყვანა
იტალიის კალათბურთში სუპერ თასის შეხვედრები მიმდინარეობს. ვირტუს ბოლონია ნახევარფინალში ნაპოლის დაუპირისპირდა და მძიმე ბრძოლაში 96:87 დაამარცხა.
ამ გამარჯვების ერთ-ერთი მთავარი შემოქმედი თორნიკე შენგელია იყო. საქართველოს ნაკრების კალათბურთელმა პარკეტზე 29 წუთი დაყო.
ამ პერიოდის განმავლობაში 21 ქულა, 5 მოხსნა და 5 შედეგიანი გადაცემა დააგროვა. ეს შედეგი კი ვირტუს ბოლონიაში საუკეთესო იყო. შენგელია მატჩის MVP გახდა.
VITTORIA ????????
— Virtus Segafredo Bologna (@VirtusSegafredo) September 21, 2024
All’Unipol Arena vince la Virtus la semifinale di Supercoppa ???????? pic.twitter.com/lqozXnR3eY
ყველაზე მეტი ქულა ნაპოლის კალათბურთელმა, ამერიკელმა კოუპლანდმა დააგროვა.(30 ქულა).
იტალიის სუპერ თასის ფინალში ვირტუს ბოლონია ვენეციას დაუპირისპირდება. აღნიშნული მატჩი 22 სექტემბრით თარიღდება და თბილისის დროით 22:00-დან დაიწყება.
