იტალიელი ჟურნალისტი: “კვარას და ლუკაკუს უფერული საღამო ჰქონდათ“
სერი ა-ს მორიგ ტურში ცენტრალური დაპირისპირება გაიმართა. იუვენტუსმა ნაპოლის უმასპინძლა. მატჩი ფრედ 0:0 დასრულდა და გუნდებმა ქულები გაიყვეს.
ხვიჩა კვარაცხელიას არც ისე კარგი მატჩი ჰქონდა და ანტონიო კონტემ 72-ე წუთზე შეცვალა. მატჩის დასრულების შემდეგ, იტალიელმა ჟურნალისტმა ენრიკო ვარიალემ სოციალურ ქსელში დაწერა:
„იუვენტუსს ბურთის ფლობა მეტი ჰქონდა, მაგრამ მომენტების რაოდენობით ნაპოლიმ აჯობა. 0:0 სამართლიანი იყო, მაგრამ აუდიტორიას იმედი გაუცრუვდა. კონტეს გუნდმა ხასიათი გამოავლინა. კვარას და ლუკაკუს უფერული საღამო ჰქონდათ. ნაპოლი დაცვაში კარგად გამოიყურებოდა, მაკტომინაის კი შესანიშნავი დებიუტი ჰქონდა.“
Più possesso palla di @juventusfc più occasioni per @sscnapoli. Uno 0-0 (3°consecutivo per i bianconeri) giusto,ma deludente per lo spettacolo.Prova di personalità della squadra di #Conte con #Kvara e #Lukaku in serata grigia.Difesa sempre più solida e buon esordio di #McTominay
— enrico varriale (@realvarriale) September 21, 2024
ცნობისთვის, ამ მატჩის შემდეგ, ნაპოლი მესამე ადგილზე დაქვეითდა, ხოლო იუვენტუსი მეოთხეზე. პარტენოპეის 10 ქულა აქვს, ბებერ ქალბატონს 9.
შეგახსენებთ, 29 სექტემბერს ნაპოლი მონცას უმასპინძლებს, იუვენტუსი კი 28-ში ჯენოას ესტუმრება.
