მბაპე ჩემპიონთა ლიგის ყველა დროის ბომბარდირთა ათეულშია

მადრიდის „რეალის“ ფრანგი ფორვარდი კილიან მბაპე ჩემპიონთა ლიგის ბომბარდირთა ათეულში შევიდა - „შტუტგარტის“ კარში გატანილი გოლი მის კარიერაში 49-ე აღმოჩნდა. 49 გოლის გასატანად მბაპეს ჩემპიონთა ლიგაზე 73 მატჩის ჩატარება დასჭირდა.

ამ მაჩვენებლით ის გაუთანაბრდა „სამეფო კლუბის“ ლეგენდას, ალფრედო დი სტეფანოს, რომელმაც 49 გოლი 58 მატჩში გაიტანა.

ჩემპიონთა ლიგის ყველა დროის საუკეთესო ბომბარდირთა ათეული ასე გამოიყურება:

1. კრიშტიანუ რონალდუ - 140 გოლი, 183 მატჩი
2. ლეო მესი - 129 გოლი, 160 მატჩი
3. რობერტ ლევანდოვსკი - 94 გოლი, 119 მატჩი
4. კარიმ ბენზემა - 90 გოლი, 152 მატჩი
5. რაულ გონსალესი - 71 გოლი, 142 მატჩი
6. რუუდ ვან ნისტელროი - 56 გოლი, 73 მატჩი
7. ტომას მიულერი - 54 გოლი, 150 მატჩი
8. ტიერი ანრი - 50 გოლი, 112 მატჩი
9. ალფრედო დი სტეფანო - 49 გოლი, 58 მატჩი
10. კილიან მბაპე - 49 გოლი, 73 მატჩი