უკრაინა VS საქართველო - სად და როგორ გაიყიდება ბილეთები
უეფას ერთა ლიგის 2024-2025 წლის სეზონის მესამე შეხვედრას საქართველოს ნაკრები უკრაინის წინააღმდეგ გამართავს. მატჩი პოლონეთში, ქალაქ პოზნანში გაიმართება.
საქართველოს გულშემატკივრებისათვის განკუთვნილი ბილეთების გაყიდვა 18 სექტემბერს, 12:00 საათზე TKT.GE-ს საშუალებით დაიწყება.
ბილეთის ფასი 32 ლარი (45 პოლონური ზლოტი) იქნება. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია.
ყველა მომხმარებელმა უნდა მიუთითოს პასპორტის ნომერი/პირადი ნომერი და საკონტაქტო ინფორმაცია (მობილურის ნომერი და ელ-ფოსტა). განკუთვნილ ბილეთს ისინი მატჩის დაწყებამდე 3 დღით ადრე, მითითებული ელ-ფოსტის საშუალებით მიიღებენ.
საქართველოს ნაკრები, 2 ტურის შემდეგ, ერთა ლიგის B დივიზიონის პირველ ჯგუფში, 6 ქულით პირველ ადგილს იკავებს.
