ზაგრების გრან პრი - ძიუდოისტთა ნაკრების შემადგენლობა ცნობილია

13-15 სექტემბერს, ხორვატიის დედაქალაქ ზაგრებში ძიუდოისტთა ტრადიციული გრან პრი გაიმართება, რომელშიც მონაწილეობას საქართველოს ნაკრებიც მიიღებს.

ჩვენი გუნდის მწვრთნელების გადაწყვეტილებით, ქართული დელეგაცია ტურნირზე 7-კაციანი გადახალისებული შემადგენლობით იასპარეზებს.

საქართველოს ნაკრების შემადგენლობა:

• -60 კგ. - ლუკა მოდებაძე.
• -66 კგ. - თენგო ზირაქაშვილი.
• -73 კგ. - ბაჩანა ბოლქვაძე.
• -81 კგ. - კოტე კაპანაძე.
• -90 კგ. - გიორგი ჯაბნიაშვილი, აკაკი ჯაფარიძე.
• +100 კგ. - უჩა ტაბატაძე.

ცნობისთვის, პარიზის ოლიმპიური თამაშების შემდეგ, ზაგრების გრან პრი პირველი ტურნირი იქნება, რომელიც უფროს ძიუდოისტებს შორის გაიმართება.