პირველივე რაუნდში - ლევან ჩოხელი ლარკინთან დამარცხდა
Bellator Champions Series-ის საღამოზე ლევან ჩოხელი MMA-ს გამორჩეულ მებრძოლს ლორენც ლარკინს დაუპირისპირდა და სამწუხაროდ დამარცხდა.
აღნიშნული ბრძოლა ქვესაშუალო ტიტულის პრეტენდენტის სტატუსით მოინათლა. თავდაპირველად ქართველმა კარგად დაიწყო და მოწინააღმდეგეს ტაქტიკურად სწორად მიუდგა. არაერთი მომენტიც შექმნა, თუმცა ეს საკმარისი არ გამოდგა.
38 წლის ლარკინმა საკუთარი გამოცდილების ხარჯზე, ჩოხელს წონასწორობა დააკარგვინა და ბრძოლა პირველივე რაუნდში მოიგო.
შეგახსენებთ, რომ ლევან ჩოხელმა ლარკინთან ბრძოლამდე 3 დაპირისპირება გამართა და სამივე მოიგო.
რაც შეეხება ლარკინს, ეს მის კარიერაში 27-ე გამარჯვებაა და მისი მომავალი მეტოქე სავარაუდოდ ქვესაშუალო წონის მოქმედი ჩემპიონი მაგომედ მაგომედკერიმოვი იქნება.
