ყოფილი მინისტრი პსჟ-სთვის ხელის შეწყობაშია ეჭვმიტანილი

ყოფილი ფრანგი დეპუტატი პსჟ-სთვის არალეგალურად მომსახურების გაწევაშია ეჭვმიტანილი.

L’Equipe-ის ცნობით, პარლამენტის ყოფილ წევრს და საფრანგეთის ეროვნული ასამბლეის ვიცე-პრეზიდენტს ჰიუგ რენსონს ბრალი გავლენის უკანონოდ გამოყენებაში წაუყენეს. ის ეჭვმიტანილია პსჟ-სთვის ხელის შეწყობაში.

გამომძიებლების თქმით, რენსონმა არაერთხელ გამოიყენა თავისი გავლენა, რათა პსჟ-სთვის სატრანსფერო საქმიანობაში ხელი შეეწყო. მისი „დახმარება“ ასევე ვრცელდებოდა კლუბის თანამშრომლებისთვის ხელის შეწყობაშიც. კერძოდ, მან მიაღწია კლუბის თანამშრომლებისთვის ჩინური ვიზების გაცემის პროცედურის გამარტივებას, ცდილობდა გავლენა მოეხდინა ლიგა 1-ის კალენდარზე და სტადიონზე მაყურებელთა დასაშვებ რაოდენობაზე კორონავირუსის პანდემიის დროს.

ასევე, პსჟ-ს კომუნიკაციების ყოფილი დირექტორის, ჟან მარსიალ რიბას თხოვნით, პოლიტიკოსი ცდილობდა ადმინისტრაციული პროცედურების დაჩქარებას.

გარდა ამისა, ყოფილი მოადგილე ეჭვმიტანილია, რომ პსჟ-ს დაეხმარა გადასახადებისგან თავის არიდებაში ნეიმარის ბარსელონადან გამოსყიდვის დროს. გამომძიებლებმა იპოვეს 2017 წლით დათარიღებული შეტყობინებები და მიმართეს საფრანგეთის შინაგან საქმეთა მინისტრს ჟერალდ დარმანინს.

სასამართლოში ჩვენების მიცემისას პოლიტიკოსმა აღიარა, რომ პსჟ-ში სამუშაოს მიღებაზე ოცნებობდა.

ჯერჯერობით ძიება მიმდინარეობს და განაჩენის გამოტანის თარიღი უცნობია.