“კონკურენტები არაკაცურად მოიქცნენ, დაჯილდოებაზე თვალებში ვერ გვიყურებდნენ“ - გიგა ოჩხიკიძის ემოციები
პარიზში მიმდინარე პარალიმპიურ თამაშებზე საქართველოს დელეგაციას ერთადერთი ოქროს მედალი პარამძლეოსანმა გიგა ოჩხიკიძემ მოუტანა, რომელმაც ბირთვის 9,66 მეტრზე ისროლა, ორი მსოფლიოს რეკორდი დაამყარა და თავის პირველივე თამაშებზე ჩემპიონი გახდა.
Crystalsport-ისთვის მიცემულ ინტერვიუში მსოფლიო პარალიმპიიზმის ისტორიაში უკვე ლეგენდადქცეულმა ქართველმა სპორტსმენმა კონკურენტების არასპორტულ საქციელს ხაზი კიდევ ერთხელ გაუსვა და გაიხსენა ის საათები, როდესაც მისი ჩემპიონობა გარკვეული გარემოებების გამო, კითხვის ნიშნის ქვეშ იდგა.
შეგახსენებთ, რომ პარალიმპიადამდე რამდენიმე თვით ადრე, გიგა ოჩხიკიძე მსოფლიოს ჩემპიონიც გახდა, რითაც ქართული პარამძლეოსნობის ისტორიაში უნიკალური მიღწევის ავტორი გახდა.
