ლევანდოვსკი: ჩვენი თაობა ქუჩიდან მოვიდა, ახლა ეს შეუძლებელია
„ბარსელონას“ პოლონელი თავდამსხმელი, რობერტ ლევანდოვსკი ამბობს, რომ ფეხბურთი მუდმივად განიცდის ცვლილებებს.
მისი თქმით, ისეთი ფეხბურთელები, როგორებიც ლიონელ მესი და კრიშტიანუ რონალდუ არიან, ქუჩიდან მოვიდნენ, ახალი თაობის წარმომადგენლებს კი უკვე აკადემიებში ადრეული ასაკიდან აგზავნიან.
„ჩვენი თაობა ქუჩიდან მოვიდა, ახლა ეს პრაქტიკულად შეუძლებელია: აკადემიიდან ერთმანეთის მსგავსი ფეხბურთელები მოდიან“, - თქვა ლევანდოვსკიმ.
ლევანდოვსკი „ბარსელონაში“ 2022 წელს გადავიდა. მანამდე ის მიუნხენის „ბაიერნში“ თამაშობდა, სადაც 375 მატჩი ჩაატარა. მის ანგარიშზე 344 გოლი და 73 ასისტია.
