საოცარი დახვედრა | ვიქტორ ოსიმენი გალათასარაიში ითამაშებს
ვიქტორ ოსიმენი „გალათასარაის“ ღირსებას დაიცავს. ნიგერიელი ფეხბურთელი თურქეთში ჩავიდა და უახლოეს საათებში, დოკუმენტებს ხელს მოაწერს, რის შემდეგაც „გალა“ ოფიციალურ განცხადებას გაავრცელებს. „გალათასარაის“ ქომაგებმა ოსიმენს საოცარი დახვედრა მოუწყვეს და ქალაქის ქუჩებში მას ათასობით ადამიანი შეხვდა.
???????????? Victor Osimhen ✖️ Galatasaray fans! pic.twitter.com/VdoRN91HF4
— Fabrizio Romano (@FabrizioRomano) September 3, 2024
„საოცარი ატმოსფეროა. გალათასარაის მსოფლიოში ერთ-ერთი საუკეთესო ფანები ჰყავს და მოხარული ვარ, რომ აქ ვიმყოფები. ერთი სული მაქვს, გულშემატკივრებს ტრიბუნებზე როდის ვიხილავ და მოუთმენლად ველი, მათ ყვირილს როდის გავიგონებ, როცა გოლს გავიტან. მიხარია, რომ აქ ვარ და გალათასარაისთვის ყველაფერს გავაკეთებ“, - განაცხადა ოსიმენმა.
ფაბრიციო რომანოს ინფორმაციით, ოსიმენი „გალათასარაიში“ იჯარის წესით, სეზონის ბოლომდე ითამაშებს. მის ხელფასს მთლიანად თურქული გრანდი დაფარავს და „გალას“ ვიქტორის კონტრაქტის გამოსყიდვის უფლება ან ვალდებულება არ ექნება.
???????????? BREAKING: Victor Osimhen to Galatasaray, here we go! Deal done and all documents have been approved.
— Fabrizio Romano (@FabrizioRomano) September 2, 2024
Osimhen’s release clause will be €75m with Napoli option to extend until 2027.
Loan move to Gala until June 2025, €9/10m salary covered.
No buy option, no obligation. pic.twitter.com/Cc7lAYPPW6
შეგახსენებთ, რომ ზაფხულის სატრანსფერო ფანჯრისას, ოსიმენს „პარი სენ-ჟერმენსა“ და „ჩელსის“ უკავშირებდნენ. „არისტოკრატები“ ნიგერიელი ფეხბურთელის გაფორმებასთან ახლოს იყვნენ, მაგრამ ვიქტორისგან თანხმობა ვერ მიიღეს.
