ტომას მიულერი ბაიერნში ჩატარებული მატჩების რაოდენობით რეკორდსმენია

ტომას მიულერმა მიუნხენის „ბაიერნში“ ჩატარებული მატჩების რაოდენობით, ახალი რეკორდი დაამყარა.

გერმანელი შემტევის ანგარიშზე 710 მატჩია. მან ზეპ მაიერს გაუსწრო, რომელმაც „ბაიერნის“ შემადგენლობაში 709-ჯერ ითამაშა.

რეიტინგში მესამე ადგილს ოლივერ კანი (632 მატჩი) იკავებს, 613 მატჩით მეოთხე ადგილზე გერდ მიულერია, მეხუთეზე კი - ფრანც ბეკენბაუერი (584 მატჩი).

„ჩემს გუნდში ტომას მიულერი ყოველთვის ითამაშებს“ - განაცხადა თავის დროზე ჰოლანდიელმა სპეციალისტმა, ლუი ვან გაალმა.

მიულერმა საყვარელი მწვრთნელის რჩევა გაითვალისწინა და იმდენი ითამაშა, რომ რეკორდიც დაამყარა. მისი დებიუტიდან16 წელი გავიდა - პირველი მატჩი მან 2008 წლის აგვისტოში ჩაატარა.

რას ამბობენ მიულერზე:

კარლო ანჩელოტი: „ტომასი ატიპიური ფეხბურთელია. ის არაჩვეულებრივი ფორვარდია, თუმცა არატრადიციული უნარ-ჩვევების ნაკრებით. ჩვენ ველით, რომ დიდებული თავდამსხმელები უნდა გამოირჩეოდნენ ათლეტიზმით, ტექნიკით და კრეატიულობით უნდა გამოირჩეოდნენ. მისი ძლიერი მხარეები ტაქტიკურია. მას შეუძლია თამაში გამოიცნოს“.

იუპ ჰაინკესი: „ტომას მიულერო გერმანული ფეხბურთის ისტორიაში ყველაზე ექსტრაორდინარული ფეხბურთელია“.

ჰანს ფლიკი: „ტომასის სტილის გაგება ყოველთვის მარტივი არ არის. იმ თვისებების დათვლა, რომელსაც ის გუნდს აძლევს, შეუძლებელია. ქედს ვიხრი მისი კარიერული მიღწევების წინაშე - ის უნიკალურია. მეორე მისნაირი არასდროს აღარ იქნება“.