პარალიმპიადა: ანა ჯაფარიძემ ბრინჯაოს მედალი მოიპოვა
პარიზში ზაფხულის პარალიმპიური თამაშების სადებიუტო დღეს, ქართულ დელეგაციამ ბრინჯაოს მედალი მოიპოვა.
ბრინჯაოს მედლის მფლობელი პარატაეკვონდოში 52 კგ კატეგორიაში ანა ჯაფარიძე გახდა.
ჯაფარიძემ ეგვიპტელ მეტოქეს დამატებით დროში არბიტრთა გადაწყვეტილებით სძლია და ისტორიული მედლის მფლობელი გახდა.
დღესვე პარატაეკვონდოს ტურნირზე მეორე ქართველმა ლია ჩაჩიბაიამ ( 47კგ) იასპარეზა, რომელმაც პირველივე შეხვედრა წააგო და შეჯიბრებას გამოეთიშა.
შეგახსენებთ, რომ საქართველო პარალიმპიურ თამაშებზე სპორტის ექვს სახეობაში 14 პარაათლეტით არის წარმოდგენილი.
