ქოჩორაშვილი ვალენსიას სატრანსფერო სიაში მოხვდა
გიორგი ქოჩორაშვილის შესაძლო ტრანსფერზე ესპანური პრესა კვლავ წერს. ბოლო დღეებში თითქოს აშკარა იყო, რომ საქართველოს ნაკრების ნახევარმცველის მომავალი მინიმუმ ერთი წლით კვლავ „ლევანტეს“ დაუკავშირდებოდა, თუმცა SER Deportivos Valencia დღეს ახალ ინფორმაციას ავრცელებს.
წყაროს ცნობით, ქოჩორაშვილი „ვალენსიას“ ინტერესთა სფეროში მოექცა.
ვითარება ასეთია: „ვალენსიას“ ნახევარმცველების ანდრე ალმეიდასა და ხავი გერას ტრანსფერებზე ცნობილი აგენტი ჟორჟე მენდეში მუშაობს. მათი შეძენით „ბენფიკა“, „ვულვზი“, „ატლეტიკო“ და „მანჩესტერ იუნაიტედი“ ინტერესდება. თუ, ორივე მათგანი გაიყიდა, „ღამურები“ მათ შემცვლელად ახალ ფეხბურთელებს შეიძენენ და ქოჩორაშვილი თავის გუნდელთან პაბლო მარტინესთან ერთად სწორედ ამ სიაში იმყოფება.
EN MARCHA @SERDepValencia con @AlemanSER.
— SER Deportivos Valen (@SERDepValencia) August 28, 2024
????????MERCADO VCF????????
'El VCF quiere a PABLO MARTÍNEZ o KOCHORASHVILI y les ha pedido que esperen por si Mendes trae una oferta por ALMEIDA o sale JAVI GUERRA'
????100.4/95.7 FM
????APP @La_SER
????https://t.co/0ReVWDKpI2
ყველაფრის გათვალისწინებით, ქოჩორაშვილის „ვალენსიაში“ შესაძლო გადასვლის შანსებს მაღალი პროცენტით ვერ შევაფასებთ, რადგან ეს ბევრ რამეზეა დამოკიდებული და სატრანსფერო ფანჯრის დახურვამდეც ორი დღე რჩება.
აქვე გეტყვით, რომ ქოჩორაშვილს „ლევანტესთან“ ხელშეკრულება 2027 წლამდე აკავშირებს.
