მოლაპარაკებების ახალი რაუნდი გაიმართება | ნაპოლი კვარას კონტრაქტს გაუხანგრძლივებს

„ნაპოლი“ ხვიჩა კვარაცხელიას კონტრაქტს გაუხანგრძლივებს. „პარტენოპეი“ ერთ-ერთი ლიდერის გაშვებას არ აპირებს და ცნობილმა სატრანსფერო ექსპერტმა, ნიკოლო სკირამ „კვარას“ მომავალთან დაკავშირებით, ახალი ინფორმაცია გაავრცელა.

„ნაპოლისა და კვარაცხელიას წარმომადგენლებს შორის მოლაპარაკებების ახალი რაუნდი მომდევნო დღეებში გაიმართება. მხარეები ეცდებიან შეთანხმდნენ ხელშეკრულებაზე, რომელიც 2029 წლამდე იქნება გათვლილი და მისი 2030 წლამდე გახანგრძლივების პუნქტი იარსებებს. ახალი ხელფასი, რომელსაც კვარაცხელია მიიღებს, ყოველწლიურად 7 მილიონი ევროა, ბონუსების ჩათვლით“, - წერს იტალიელი ჟურნალისტი.

Expected a new round talks in the next days between #Napoli and Khvicha #Kvaratskhelia’s agent (Mamuka Jugeli) to try to reach an agreement for the contract extension until 2029 with the option for 2030. Ready a new salary of €7M/year (bonuses included). #transfers

— Nicolò Schira (@NicoSchira) August 26, 2024

ცნობისთვის, სერია A-ს მეორე ტურში, „ნაპოლი“ „ბოლონიას“ დაუპირისპირდა და 3:0 იმარჯვა. აღნიშნულ მატჩს „დიეგო არმანდო მარადონას“ სტადიონის ტრიბუნიდან თვალყურს კვარაცხელიას აგენტი მამუკა ჯუღელი კრისტიან ძაკარდოსთან ერთად ადევნებდა, რაც იტალიელმა ჟურნალისტებმა ქართველი ფეხბურთელის კონტრაქტის გახანგრძლივების წინაპირობად აღიქვეს.

გეტყვით იმასაც, რომ „ბოლონიას“ წინააღმდეგ კვარაცხელია ბრწყინვალე იყო. ხვიჩამ გოლი და საგოლე გადაცემა მიითვალა და მატჩის შემდეგ, იტალიური გამოცემებისგან, საქებარი სიტყვები დაიმსახურა.