ნოიერი: “სეზონის ბოლოს კარიერის დასრულებას არ ვგეგმავ“
რამდენიმე დღის წინ, ცნობილი გახდა, რომ მანუელ ნოიერმა სანაკრებო კარიერა დაასრულა. ამის შემდეგ, სხვადასხვა გამოცემებმა დაწერეს, რომ ვეტერანი კარის დარაჯი მიმდინარე სეზონის ამოწურვის შემდეგ, მთლიანად საფეხბურთო კარიერას დაასრულებდა.
გავრცელებულ ჭორებს, მანუელმა წერტილი დაუსვა და „კიკერთან“ ინტერვიუს დროს განაცხადა:
ნოიერი:
„სეზონის ბოლოს ბაიერნის დატოვებას და კარიერის დასრულებას არ ვგეგმავ. სეზონს იმის ფიქრით არ ვიწყებ, რომ ის ივნისში დასრულდება. ვნახოთ რა მოხდება. თუ ჩვენ წარმატებული სეზონი გამოგვივა, ეს იმას ნიშნავს, რომ კარიერის გაგრძელება შემიძლია.“
შეგახსენებთ, რომ ნოიერს გერმანიის ნაკრებში დებიუტი 2009 წელს ჰქონდა. ჯამში 124 მატჩი ჩაატარა და კარი მშრალად 51-ჯერ შეინახა.
ასევე გეტყვით, 38 წლის მეკარე მიუნხენის ბაიერნს 2011 წელს შალკედან შეუერთდა. ყველა შესაძლო საკლუბო ტიტული მოიგო და ყველა ტურნირზე ერთად 522 შეხვედრაში მიიღო მონაწილეობა.
