სტერლინგი დვალიშვილს იცავს - „მერაბი სულელი არაა, დენას რეაქცია გადაჭარბებული იყო“
UFC-ის სუპერ მსუბუქი წონითი დივიზიონის ყოფილი ჩემპიონი, ალჯამეინ სტერლინგი თავის მეგობარს, მერაბ დვალიშვილს გამოექომაგა და UFC-ის პრეზიდენტი, დენა უაითი ქართველი მებრძოლის შესახებ გაკეთებული განცხადებების გამო გააკრიტიკა.
რა თქვა ალჯამეინ სტერლინგმა:
„ამ პატარა ჭრილობის გარშემო ყველამ დიდი ამბავი ატეხა, მათ შორის დენამ. მერაბი ვარჯიშიდან კადრებს აქვეყნებს, ხალხს ის ამიტომ უყვარს. ამაში სულელური არაფერია, მორჩა. ის ვარჯიშობს და 14 სექტემბერს მზად იქნება, როგორც ეს ყოველთვის ხდება ხოლმე. შესაბამისად, [დენა უაითის] ეს რეაქცია, ჩემი აზრით, ცოტათი გადაჭარბებული იყო“.
Everyone is making a much bigger deal over “the little cut”, even the boss. Merab shares his stories of training camp, the good, the bad, the ugly, and ppl LOVE him for it. There’s nothing “stupid” about it, period. He’s training, and will show up Sept 14, like he always does. Is… https://t.co/WEfQ4Ax2wA
— Aljamain Sterling (@funkmasterMMA) August 21, 2024
შეგახსენებთ, რომ გუშინ, მერაბ დვალიშვილმა თვალის არეში მიღებული დაზიანების ფოტო გამოაქვეყნა, რასაც დენა უაითის უარყოფითი რეაქცია მოჰყვა. UFC-ის პრეზიდენტმა მერაბის საქციელს სულელური უწოდა.
შონ ომალისა და მერაბ დვალიშვილის საჩემპიონო ბრძოლა 16 აპრილს გაიმართება და ქართველის გამარჯვების შემთხვევაში, მერაბ დვალიშვილი UFC-ის სუპერმსუბუქი წონის ჩემპიონის ქამარს დაეუფლება.
