სიტი მოლაპარაკებას მართავს - ბარსა გიუნდოგანს უფასოდ უშვებს
როგორც მოგეხსენებათ, ილქაი გიუნდოგანს ბარსელონას დატოვება სურს. თურქული ფესვების მქონე გერმანელის გადაბირებით თავდაპირველად ჟოზე მოურინიოს ფენერბახჩე ინტერესდებოდა, მაგრამ საქმეში მანჩესტერ სიტი ჩაერთო.
სანამ მანჩესტერ სიტის ინტერესზე მოგახსენებთ, ფაბრიციო რომანომ მეტად მნიშვნელოვანი ინფორმაცია გააჟღერა.
ცნობილი გახდა, რომ კატალონიური გრანდი გიუნდოგანს უფასოდ გაუშვებს და მასში თანხას არ მოითხოვს. ეს ცოტა გასაკვირია, რადგან ბლაუგრანას ფინანსური პრობლემები აქვს.
რაც შეეხება სიტის ინტერესს, პეპ გუარდიოლამ ილქაის დაბრუნებას მწვანე შუქი აუნთო. ახლა კლუბის წარმომადგენლები გიუნდოგანის აგენტს დიდ ბრიტანეთში ხვდებიან და კონტრაქტის დეტალებს არკვევენ.
შეგახსენებთ, რომ 33 წლის ნახევარმცველმა ქალაქელები გასული წლის ზაფხულში დატოვა და ბარსელონაში გადაბარგდა, სადაც ყველა ტურნირზე ერთად 51 მატჩში მიიღო მონაწილეობა, 5 გოლი გაიტანა და 14 საგოლე გადაცემა შეასრულა.
???????? Understand Barcelona have 100% decided to let Ilkay Gündogan leave for free.
— Fabrizio Romano (@FabrizioRomano) August 20, 2024
Manchester City are working on details of the deal with Gündogan’s agent now in UK to get the comeback done.
As revealed earlier, Pep Guardiola said YES. ✅
Up to Gündo’s green light ⏳ #MCFC pic.twitter.com/RZL1f1R7DT
