გოლი და ასისტი - ბუდუს კარგი მატჩი და კარლსრუეს გამარჯვება

ბუდუ ზივზივაძემ „კარლსრუეს“ შემადგენლობაში მორიგი შედეგიანი მატჩი ჩაატარა. ქართველი ფეხბურთელის გუნდი გერმანიის თასის პირველ წრეში სტუმრად დასავლეთ რეგიონალლიგის გუნდ „ლოტეს“ დაუპირისპირდა და გამანადგურებელი ანგარიშით, 5:0 გაიმარჯვა.

ბუდუ ზივზივაძე სტუმართა სასტარტო შემადგენლობაში იყო და თავი ჯერ საგოლე გადაცემით, შემდეგ კი გოლითაც გამოიჩინა.

ბუდუ ზივზივაძემ 21-ე წუთზე მარვინ მავიცეკს გაატანინა, რითაც ანგარიში 2:0 გახდა.

69-ე წუთზე კი თავი თავადვე გამოიჩინა და სხვაობა ოთხბურთამდე გაზარდა. ქართველმა შემტევმა მოედანი 72-ე წუთზე დატოვა.

შეგახსენებთ, რომ ზივზივაძემ გერმანიის მეორე ბუნდესლიგის პირველ ტურში „ნიუნბერგის“ წინააღმდეგ ჰეთ-თრიკი შეასრულა.

„კარლსრუე“ მომდევნო შეხვედრას 23 აგვისტოს, საკუთარ მოედანზე „ელფსბერგის“ წინააღმდეგ გამართავს.