სადებიუტო გოლი | ანზორ მექვაბიშვილმა კრაიოვას რიგებში გაიტანა

რუმინეთის ჩემპიონატის მე-6 ტურში, ანზორ მექვაბიშვილის „კრაიოვა“ „გლორია ბუზაუს“ დაუპირისპირდა. ქართველი ფეხბურთელის გუნდმა ბრწყინვალე შეხვედრა ჩაატარა და მეტოქეს შანსი არ დაუტოვა - 5:1.

მექვაბიშვილმა მოედანზე 78 წუთი გაატარა და „კრაიოვას“ მაისურით სადებიუტო გოლი გაიტანა. ქართველმა ნახევარმცველმა თავი 73-ე წუთზე გამოიჩინა და ანგარიში 4:1 გახადა. მატჩის შემდეგ, ანრიმ რუმინული კლუბის მაისურით შეგდებულ სადებიუტო ბურთზე ისაუბრა და განაცხადა, რომ აღნიშნული მიღწევის გამო, ბედნიერია.

„ბედნიერი ვარ, რომ კრაიოვას რიგებში პირველი გოლი გავიტანე. გვინდა, ჩვენს გულშემატკივრებს მადლობა გადავუხადოთ. სეზონი გრძელია და ეს მხოლოდ დასაწყისია. უფრო და უფრო უკეთესები უნდა ვიყოთ. თუ მოვუმატებთ და დღევანდელზე უკეთეს ფეხბურთს ვაჩვენებთ, ყველაფერი კარგად იქნება. თავს ძალიან კარგად ვგრძნობ პოზიციაზე, რომელზეც ამ მატჩში ვითამაშე. ამ გუნდს ხარისხი აქვს და დარწმუნებული ვარ, წარმატებას მივაღწევთ“.

ცნობისთვის, 6 ტურის შემდეგ, „კრაიოვას“ 14 ქულა აქვს და სატურნირო ცხრილის ლიდერია. მექვაბიშვილის გუნდი მომდევნო შეხვედრას 24 აგვისტოს გამართავს და თბილისის დროით, 23:00-ზე, სტუმრად „დინამო ბუქარესტს“ დაუპირისპირდება.