საქართველო-ჩეხეთის მატჩის ყველა ბილეთი გაყიდულია

საქართველო-ჩეხეთის მატჩის ყველა ბილეთი გაყიდულია. ინფორმაცია ამის შესახებ ვებგვერდ TKT.GE-ზე გამოქვეყნდა, რომელიც ბილეთების ონლაინ რეჟიმში რეალიზაციას უზრუნველყოფდა.

საქართველოს საფეხბურთო ნაკრები ჩეხეთს უეფა-ს ერთა ლიგის B დივიზიონის პირველ ტურში დაუპირისპირდება. მატჩი 7 სექტემბერს, 20:00 საათზე მიხეილ მესხის სახელობის სტადიონზე გაიმართება.

მატჩზე დასასწრები ბილეთების ფასი 10, 30 და 50 ლარი იყო.

შეგახსენებთ, რომ ჩეხეთთან მატჩის გარდა, საქართველოს ნაკრები სექტემბერში კიდევ ერთ შეხვედრას გამართავს. ჩვენი გუნდი 10 სექტემბერს, სტუმრად ალბანეთის ნაკრებს დაუპირისპირდება.