„ილია ძლიერია, მაგრამ...“ - რა პროგნოზს აკეთებს ჩენდლერი თოფურია-ჰოლოუეის ბრძოლაზე

მსუბუქი წონის მებრძოლმა, მაიკლ ჩენდლერმა ილია თოფურიასა და მაქს ჰოლოუეის შორის დაგეგმილ ჩხუბზე ისაუბრა. მისი განცხადებით, ილიას სიძლიერის მიუხედავად, ბრძოლას მაქს ჰოლოუეი მოიგებს.

რა თქვა ჩენდლერმა:

„ჰოლოუეი თოფურიას დაამარცხებს. მაქსის წინააღმდეგ ფსონი არასოდეს გააკეთოთ, გარდა იმ შემთხვევისა, თუ მას ჩემთან ექნება ბრძოლა. იმედია, მაქსი შეუტევს მას, შეინარჩუნებს დისტანციას და მისგან დარტყმების სერიებს ვიხილავთ. თუმცა თოფურია ძალიან ძლიერია. თუ მაქსი დამარცხება, ჩვენ შეგვიძლია BMF-ის სიმბოლური ქამრისთვის ვიბრძოლოთ“.

ცნობისთვის, თოფურიასა და ჰოლოუეის ჩხუბი UFC 308-ზე გაიმართება, რომელსაც 27 ოქტომბერს აბუ-დაბი უმასპინძლებს. „ელ მატადორისა“ და „დალოცვილის“ დაპირისპირება ღონისძიების მთავარი მოვლენა იქნება.

რაც შეეხება თავად ჩენდლერს, მას ივნისში კონორ მაკგრეგორის წინააღმდეგ უნდა ეჩხუბა, თუმცა ბრძოლამდე 16 დღით ადრე მაკგრეგორმა თითი მოიტეხა.