მბაპე: “მშვენიერი ღამეა, ამ მომენტს დიდი ხანი ველოდი“

უეფა-ს სუპერ თასზე მადრიდის რეალი ატალანტას დაუპირისპირდა და 2:0 დაამარცხა. სამეფო კლუბის მხრიდან გოლები ფედე ვალვერდემ და კილიან მბაპემ გაიტანეს.

მატჩის დასრულების შემდეგ, სამეფო კლუბის ახალწვეულმა კილიან მბაპემ კომენტარი გააკეთა.

მბაპე:

„მშვენიერი ღამეა. ამ მომენტს დიდი ხანი ველოდი. ამ მაისურით, ამ სამკერდე ნიშნით, ამ გულშემატკივრებისთვის თამაში.. ძალიან ბედნიერი ვარ!! გოლი მნიშვნელოვანია, რადგან მე თავდამსხმელი ვარ, მაგრამ მთავარი მაინც გუნდური ტიტულია. ყოველთვის უნდა მოვიგოთ.

ძალიან ბედნიერი ვარ, ყველა პოზიციაზე საუკეთესო მოთამაშეები გვყავს, მაგრამ ჯერ კიდევ უნდა გავუმჯობესდეთ. მე ვარ პირველი, ვინც უნდა გაუმჯობესდეს. 50 გოლი ამ სეზონში? ჩვენ მადრიდის რეალი ვართ!

არ აქვს მნიშვნელობა მე გავიტან თუ არა 50 გოლს ან შემიძლია, თუ არა ამის გაკეთება. ჩვენ ვალდებულები ვართ, რომ გავიმარჯვოთ! ჩვენ ყოველთვის უფრო მეტი გვსურს.“

შეგახსენებთ, რომ მადრიდის რეალს შემდეგი მატჩი უკვე ლა ლიგაში ელის. პირველ ტურში, კარლო ანჩელოტის შეგირდები მალიორკას ესტუმრებიან. აღნიშნული დაპირისპირება 18 აგვისტოთი თარიღდება და თბილისის დროით 23:30-დან დაიწყება.