ლივერპული გააქტიურდა - წინასწარი კონტრაქტი და მესამე შეთავაზება ვალენსიას
ცნობილი ინსაიდერი, ფაბრიციო რომანო გიორგი მამარდაშვილთან დაკავშირებით ახალ ინფორმაციას ავრცელებს და წერს, რომ „ლივერპულმა“ ქართველ მეკარესთან წინასწარ კონტრაქტზე შეთანხმებას მიაღწია.
იტალიელი ჟურნალისტი აღნიშნავს, რომ ტრანსფერის შემთხვევაში, მამარდაშვილი 1, ან 2 წლით იჯარის წესით სხვა კლუბში ითამაშებს, ყველაზე რეალურ ვარიანტად კი ინგლისის პრემიერ ლიგის კლუბი „ბორნმუთი“ სახელდება. მას შემდეგ, რაც ალისკონი „ლივერპულს“ დატოვებს, მამარდაშვილი მერსისაიდულ კლუბში დაბრუნდება და გუნდის მთავარი მეკარე გახდება. მამარდას აგენტები ახლა ვალენსიაში იმყოფებიან, სადაც მოლაპარაკებების პროცესში აქტიურად არიან ჩართულები.
???????? Liverpool have agreed personal terms with Giorgi Mamardashvili. He’s keen on the move even spending one or two years elsewhere on loan.
— Fabrizio Romano (@FabrizioRomano) August 14, 2024
Bournemouth open to signing him, then he’d become #LFC new GK after Alisson.
Agents now in Valencia for club talks
NO agreement yet. pic.twitter.com/rPEgWFGhy8
პარალელურად, ცოტა ხნის წინ ესპანურმა „მარკამ“ დაწერა, რომ „ლივერპულმა“ „ვალენსიას“ მესამე შეთავაზება გაუკეთა, თუმცა, შეთავაზება 35 მილიონ ევროს ითვალისწინებს, „ღამურები“ კი 40 მილიონ ევროს ითხოვენ. ყველაფერი უახლოეს დღეებში გადაწყდება.
