ალკარასი: “მე და ნადალი იმედგაცრუებულები ვიყავით, მაგრამ ოცნება ავიხდინე“
პარიზის ოლიმპიური თამაშები დასრულდა. კარლო ალკარასმა ვერცხლის მედალი მოიპოვა, წყვილებში კი რაფაელ ნადალთან ერთად ¼ ფინალში წააგო.
ესპანელმა ჩოგბურთელმა ოლიმპიადის დასრულების შემდეგ პირველი ინტერვიუ ჩაწერა. ალკარასი EuroSport-ს ესაუბრა.
ალკარასი:
„ეს იყო რაღაც, რაც არასდროს დამავიწყდება. რაფაელ ნადალთან ბევრს ვსაუბრობდი, როგორც კორტზე, ასევე კორტის გარეთ. ასე კი მე ბევრი რამ ვისწავლე.
¼ ფინალის შემდეგ მე და ნადალი იმედგაცრუებულები ვიყავით, რადგან ვფიქრობდით, რომ უკეთესად შეგვეძლო გამოსვლა, მაგრამ საბოლოო ჯამში მაინც ბედნიერები ვართ.
თუ ჩემი ოცნებების ასრულებაზე ვისაუბრებთ, გეტყვით, რომ ერთ-ერთი ოცნება ავიხდინე. ჩემი ოცნება რაფაელ ნადალთან ერთად წყვილებში თამაში იყო.“
შეგახსენებთ, რომ ნადალი/ალკარასის წყვილი ¼ ფინალში კრაიჩეკი/რაჯივ რამის დუეტთან დამარცხდა. მატადორი კი ერთეულთა თანრიგში ნოვაკ ჯოკოვიჩთან ვერაფერს გახდა. ბოლო ინფორმაციით, ნადალი ამერიკის ღია პირველობაზე არ ითამაშებს.
