ვინ მოიგებს ლა ლიგას | Opta-ს სუპერკომპიუტერის პროგნოზი

ესპანეთის ჩემპიონატის ახალ სეზონში გამარჯვების ყველაზე დიდი შანსი „რეალს“ აქვს. Opta-ს სუპერკომპიუტერის პროგნოზის თანახმად, ლა ლიგის მოქმედი ჩემპიონები 86%-ით ტიტულს შეინარჩუნებენ.

„ბარსელონას“ ჩემპიონობის შანსები 10,3%-ს შეადგენს - დიდი ალბათობით კატალონიელები სეზონს მეორე ადგილზე დაასრულებენ (50,3%).

გამარჯვების შანსი აქვთ აგრეთვე „ატლეტიკოს“ (2,2%), „ჟირონას“(0,8%) და „რეალ სოსიედადს“ (0,2%).

Opta-მ ლა ლიგის აუტსაიდერებად „ესპანიოლი“, „ვალიადოლიდი“ და „ლეგანესი“ დაასახელა.

პრიმერა დივიზიონის ახალი სეზონი 15 აგვისტოს დაიწყება. პირველი შეხვედრა „ატლეტიკ ბილბაოსა“ და „ხეტაფეს“ შორის გაიმართება.