რომანო: მამარდას საკითხზე ლივერპულსა და ვალენსიას შორის მორიგი შეხვედრა ჩაინიშნა
ცნობილი იტალიელი ჟურნალისტის, ფაბრიციო რომანოს ინფორმაციით, „ვალენსიას“ ქართველი მეკარის, გიორგი მამარდაშვილის საკითხზე „ლივერპულსა“ და „ღამურებს“ შორის მორიგი შეხვედრა ჩაინიშნა.
რომანოს ცნობით, მამარდაშვილი თანახმაა, მერსისაიდელებთან გააფორმოს კონტრაქტი და იჯარით სხვა გუნდში გადავიდეს, „ენფილდზე“ კი მას შემდეგ დაბრუნდეს, როდესაც გუნდს ამჟამინდელი პირველი ნომერი, ალისონ ბეკერი დატოვებს.
მანამდე ესპანურმა Relevo-მ დაწერა, რომ „ლივერპულს“ სურს, მამარდაშვილი პრემიერლიგის რომელიმე საშუალო დონის გუნდში გაანათხოვროს - ერთ-ერთ პოტენციურ მიმართულებად ქართველი მეკარისთვის „ბორნმუთი“ დასახელდა.
„ლივერპული“ საქართველოს ნაკრების მეკარის სანაცვლოდ 30 მილიონ ევროს იხდის, „ვალენსია“ კი ცდილობს, მამარდას ფასი კიდევ უფრო გაზარდოს.
????⤵️ One more meeting has already been scheduled for Liverpool to discuss Giorgi Mamardashvili deal with Valencia.
— Fabrizio Romano (@FabrizioRomano) August 13, 2024
Up to the Reds as he’d be loaned out and Georgian GK is keen on this solution. https://t.co/BbitK8loUz
