ლივერპული ოფიციალური წინადადების გასაკეთებლად მზადაა | ვალენსია მამარდას 40 მილიონად აფასებს
„ლივერპული“ გიორგი მამარდაშვილით სერიოზულადაა დაინტერესებული. ფაბრიციო რომანოს შემდეგ, „ვალენსიას“ მეკარის მომავალზე „ღამურებთან“ დაახლოებულმა ჟურნალისტმა, ექტორ გომესმა დაწერა და უახლესი ინფორმაცია გაგვიზიარა.
გომესის თქმით, „წითლებმა“ „ჩეს“ დაუფიქსირეს სურვილი, რომ მათთვის ოფიციალური შეთავაზების გასაკეთებლად მზად არიან. მერსისაიდელებს მამარდაშვილის თანხმობა აქვთ და აპირებენ, ტრანსფერის დახურვის შემდეგ, იგი ერთი სეზონით „მესტალიაზე“ დატოვონ.
???????????? Liverpool are seriously considering opportunity to sign Giorgi Mamardashvili for fee in excess of €30m for Valencia and then loan him out.
— Fabrizio Romano (@FabrizioRomano) August 12, 2024
No final decision yet but talks continue, it’s up to Liverpool.
Georgian GK keen on move to #LFC with loan next, as @relevo reported. pic.twitter.com/HoUyKXjG24
საინტერესოა, რომ რომანო გარიგების სავარაუდო ღირებულებად 30 მილიონ ევროს ასახელებს, გომესი კი აცხადებს, რომ „ღამურებს“ ოდნავ მეტის მიღება სურთ. მისი ინფორმაციით, „ვალენსია“ მამარდაშვილის სანაცვლოდ 40 მილიონ ევროს ითხოვს და ტრანსფერს მწვანეს მხოლოდ ამ თანხის მიღების შემთხვევაში აუნთებს.
ცნობისთვის, გიორგის „ვალენსიასთან“ კონტრაქტი 2027 წლის ზაფხულამდე აკავშირებს და მისი გამოსასყიდი თანხა 100 მილიონი ევროა. მამარდაშვილი Transfermarkt-ზე ყველაზე ძვირადღირებული მეკარეა და მისი საბაზრო ღირებულება 45 მილიონი ევრო გახლავთ.
