სტეფ კარიმ ისე ითამაშა სოუსის ამოღება გადაწყვიტეს | ფრანგული მაკდონალდსის ხუმრობა

აშშ-ს საკალათბურთო ნაკრები პარიზის ოლიმპიური თამაშების გამარჯვებული გახდა. ფინალში, ამერიკელები ტურნირის მასპინძელს, საფრანგეთს დაუპირისპირდნენ და სტეფ კარის ფენომენალური ასპარეზობის წყალობით, 98:87 იმარჯვეს.

კარიმ 24 ქულა დააგროვა და 12-დან 8 სამქულიანი მიითვალა. სტეფმა მატჩის ბედი პირადად გადაწყვიტა და ბოლო წამებზე ურთულესი სამქულიანები ჩააგდო. ფინალის მეორე დღეს, McDonald's-ის ფრანგული განყოფილება კარის თამაშს გამოეხმაურა და იხუმრა:

„გასაგები მიზეზების გამო, ამ სოუსის ამოღებაზე ვფიქრობთ, მინიმუმ 4 წლის განმავლობაში“. სოუსის სახელი, რომლის ამოღებაზეც McDonald's-ი ფიქრობს, კლასიკური კარი (Classic Curry) გახლავთ და სტეფის გვარი და ზუსტად იმავენაირად იწერება.

McDonald’s France says it’s “considering removing” curry sauce for the next four years after Steph Curry’s 24-pt performance to win gold for Team USA. pic.twitter.com/2Tv00RHPP8

— Front Office Sports (@FOS) August 11, 2024

ცნობისთვის, კარიმ ნახევარფინალურ და ფინალურ შეხვედრებში ფენომენალურად იასპარეზა. სერბეთის წინააღმდეგ მან 36 ქულა დააგროვა, საფრანგეთთან კი 24 ქულა მიითვალა, როცა მანამდე, 2024 წლის ოლიმპიადაზე მისი მაქსიმუმი 11 ქულა იყო. ფინალის შემდეგ, ენტონი ედვარდსი მას ამაზე ეხუმრა და უთხრა, რომ კარი ბოლო ორ თამაშამდე, პარიზში არ იმყოფებოდა.