სპინაცოლა: “ხვიჩასთან ადაპტირება ადვილად მოვახერხე“

კოპა იტალიის პირველ წრეში ნაპოლიმ მოდენას უმასპინძლა. ძირითადი დრო 0:0 დასრულდა და გამარჯვებული პენალტების სერიამ გამოავლინა(4:3).

მატჩის დასრულების შემდეგ, პარტენოეპის ახალწვეულმა ლეონარდო სპინაცოლამ ჟურნალისტებთან ისაუბრა. ერთ-ერთი კითხვა კი ხვიჩა კვარაცხელიასთან ერთად თამაშზე დაუსვეს, რაზეც იტალიელმა უპასუხა:

სპინაცოლა:

„ერთმანეთთან ადაპტირება ადვილად მოვახერხეთ, რადგან ორივეს შეგვიძლია, როგორც მოედნის ცენტრში შეწევა, ასევე ფლანგზე თამაში. დაუღალავი შრომით გაუმჯობესება შეგვიძლია. კვარაცხელიასთან პოზიციების გაცვლა სასარგებლო იქნება. მოდენას წინააღმდეგ მას გამუდმებით 3 ფეხბურთელი ეთამაშებოდა. ჩემს წინააღდეგ უმალ 2 მცველი ჩნდებოდა. ასეთ დაცვასთან თამაში ყოველთვის რთულია.“

ცნობისთვის, პენალტების სერიაში კვარამ მეხუთე თერთმეტმეტრიანი დაარტყა და სწორედ ამის შემდეგ მოიგერია მერეტმა გადამწყვეტი პენალტი.

შეგახსენებთ, რომ ნაპოლი სერია ა-ს 18 აგვისტოს დაიწყებს. პარტენოპეი პირველ ტურში ვერონას უმასპინძლებს. აღნიშნული შეხვედრა თბილისის დროით 20:30-დან დაიწყება.

ხვიჩას მომენტები მოდენასთან