პარიზი 2024: გენო პეტრიაშვილის 2 დამაჯერებელი გამარჯვება და ნახევარფინალი
პარიზის 2024 წლის ოლიმპიურ თამაშებზე თავისუფალი სტილით მოჭიდავეთა ნახევარფინალისტები ცნობილია. გენო პეტრიაშვილმა (125კგ) პირველი ორი გამოსვლა წარმატებით იასპარეზა და ნახევარფინალამდე მივიდა.
გენომ 1/8-ფინალში ჯერ უკრაინელ ხოციანივსკის 11:0 მოუგო.
შემდეგ იყო 1/4-ფინალი პოლონელ რობერტ ბარანთან, რომელსაც ასევე დამაჯერებლად 9:2 სძლია და საუკეთესო ოთხეულში მოხვდა.
ფინალში გასასვლელად გენოს აზერბაიჯანის სახელით მოასპარეზე ქართველის გიორგი მეშველდიშვილის დამარცხება დაჭირდება.
რაც შეეხება მეორე ბადეს, იქ ერთმანეთს კიდევ ორი ფავორიტი თურქი ტაჰა აკგული და ირანელი ამირ ზარე დაპირისპირდებიან.
ნახევარფინალური ბლოკი დღეს 20:15 საათიდან არის ჩანიშნული.
