41 წლის პეპემ კარიერა დაასრულა
პეპემ 41 წლის ასაკში საფეხბურთო კარიერა დაასრულა. პორტუგალიელმა ფეხბურთელმა ამის შესახებ საკუთარი ინსტაგრამის გვერდზე დაწერა და თან ვიდეოც დაურთო.
View this post on Instagram
პორტუგალიელის ბოლო კლუბი „პორტუ“ იყო, სადაც ის 2019 წელს დაბრუნდა. პეპე კარიერის განმავლობაში ისეთ გუნდებში თამაშობდა, როგორიცაა „მარიტიმო“, მადრიდის „რეალი“ და „ბეშიქთაში“.
„პორტუს“ შემადგენლობაში პეპე 4-ჯერ გახდა პორტუგალიის ჩემპიონი, 5-ჯერ მოიგო პორტუგალიის თასი, 3-ჯერ კი სუპერთასი. მადრიდის „რეალში" მან 3-ჯერ ლა ლიგა, 3-ჯერ ჩემპიონთა ლიგა, 2-ჯერ ესპანეთის თასი, უეფას სუპერთასი და მსოფლიო საკლუბო ჩემპიონატი მოიგო.
პეპემ პორტუგალიის ნაკრებში 141 მატჩი ჩაატარა და 2016 წლის ევროპის ჩემპიონატი მოიგო, ასევე 2018/19 წლების ერთა ლიგის გამარჯვებულიც გახდა.
