ლაშა ბექაური მიხეილ მესხზე ოლიმპიური ოქროს მედლებით წარდგა
„მიხეილ მესხზე“ „იბერია 1999“ კონფერენს ლიგის მე-3 საკვალიფიკაციო ეტაპზე თურქულ „ბაშქაშეჰირს“ მასპინძლობს.
მატჩის დაწყებამდე მინდორზე ორგზის ოლიმპიური ჩემპიონი ლაშა ბექაური გამოვიდა, რომელიც ქომაგების წინაშე ოქროს მედლებით წარდგა.
შეგახსენებთ, რომ ლაშა ბექაურმა პარიზის ოლიმპიური თამაშების ფინალში იაპონელი სანშირო მურაო დაამარცხა. ქართველი ჯუდოკა თავიდან ვაზარით მარცხდებოდა, თუმცა, ძირითად დროშივე შეძლო ჯერ ანგარიშის გათანაბრება, შემდეგ კი მეორე შედეგიანი გდების შესრულება და საბოლოოდ, საფრანგეთის დედაქალაქში საქართველოს ჰიმნიც ააჟღერა.
ბექაური ამ დრომდე ქართული დელეგაციის ანგარიშზე ერთადერთ ოქროს მომგებ სპორტსმენად რჩება.
