რას ცვლის კვარასთვის ნერეშის ნაპოლიში ტრანსფერი?

„ნაპოლი“ შეტევის გასაძლიერებლად სატრანსფერო ბაზარზე მუშაობას განაგრძობს. „პარტენოპეის“ რამდენიმე ვარიანტი უკვე გამოერიცხა, მაგალითად, ფედერიკო კიეზა, რომელმაც ნეაპოლელებს და პლუს „რომას“ ორივეს უარი უთხრა.

ამჯერად საუბარია დავიდ ნერეშზე, რომელიც Areanapoli-ს ცნობით, ანტონიო კონტეს მთავარი სამიზნეა. იტალიელ სპეციალისტს ბრაზილიელი მოსწონს და მის გეგმებში ხედავს.

ბრაზილიელი სპორტული ჟურნალისტი და საფეხბურთო ექსპერტი სებასტიან დურანტე რადიო Kiss Kiss Napoli-ს ესაუბრა და საინტერესო ანალიზი გააკეთა, მათ შორის კვარაცხელიაც ახსენა, რომელიც სავარაუდოდ პოზიციურად ნერეშის ტრანსფერთან კავშირში იქნება.

„ნერეში არის მარჯვენა ფლანგიდან მოთამაშე კვარაცხელია. ასევე, კიდევ უფრო სწრაფი, ვიდრე პოლიტანო მარჯვენა ფლანგიდან. ის ძლიერი ფეხბურთელია, მან აიაქსში ძალიან კარგად ითამაშა - პასები, მნიშვნელოვანი გოლები, მაგრამ ის არ არის ნეიმარი, როგორც მასთან თავიდან აიგივებდნენ“.

იტალიურ პრესაში ასევე იწერება ისიც, რომ ნერეშს არა მხოლოდ პოლიტანოსა და ზოგადად მარჯვენა ფლანგზე სათამაშოდ იმატებენ, არამედ კვარაცხელიასთან კონკურენციისთვისაც. გუნდიდან წავიდა ლინდსტრიომი, გასულ ზამთარში გაყიდეს ელმაზი, ამჟამად ხვიჩას პოზიციაზე კონკურენცია არ არის და გუნდისთვის არც ისე კარგია. ასევე არის ჯერ კიდევ თეორიული შანსები, რომ ქართველი რომელიმე ევრო გრანდმა შეიძინოს.

ასე, რომ ნერეშის დამატება „ნაპოლის“ ყველანაირად მომგებიან სიტუაციაში აყენებს, რადგან ბრაზილიელს თამაში ორივე ფლანგზე კარგად გამოსდის, უფრო უკეთ კი მარცხნივ.