ლენი იორო: “ეს ისეთი დასაწყისი არ არის, როგორიც მინდოდა“
როგორც მოგეხსენებათ, მანჩესტერ იუნაიტედის ახალწვეულმა ლენი იორომ არსენალთან ამხანაგური მატჩის დროს კუნთის ტრავმა მიიღო, რის გამოც ოპერაცია დასჭირდა.
სულ ცოტა ხნის წინ, ცნობილი გახდა, რომ ფრანგი უკანახაზელი მოედანს 3 თვის შემდეგ დაუბრუნდება.
ამ ინფორმაციის გაჟღერების შემდეგ, ლენი იორომ ტვიტერის საკუთარ გვერდზე ემოციური მიმართვა გააკეთა.
რას წერს იორო?
„ეს ისეთი დასაწყისი არ არის, როგორიც მინდოდა, მაგრამ ეს ფეხბურთია. ოპერაციამ წარმატებით ჩაიარა. დიდი მადლობა თქვენი მხარდაჭერისთვის. ახლა მოთმინების და რეაბილიტაციის დროა. მალე შევხვდებით და უფრო ძლიერი დავბრუნდები.“
This is not the start I wanted, but that's football…
— Leny yoro (@leny_yoro) August 6, 2024
The operation went well. Thank you for your many messages of support ❤
Now, time for patience and rehabilitation work.
See you soon, stronger ????????#GodDid pic.twitter.com/IxR0oWhDWO
შეგახსენებთ, რომ 18 წლის ტალანტისთვის მანჩესტერ იუნაიტედს კონკურენციას მადრიდის რეალი უწევდა. სამეფო კლუბს იოროს გადაბირება მომავალ წელს სურდა, როცა მას ლილთან კონტრაქტი ამოეწურებოდა.
ფრანგულმა გუნდმა ლენის უფასოდ გაშვება არ ისურვა და ყველაფერი გააკეთა, რომ მანჩესტერ იუნაიტედს ეყიდა. საბოლოოდ ყველაფერი ასეც დასრულდა.
