ინდოელი მოჭიდავე ოლიმპიადიდან მოხსნეს - მან დასაშვებ წონას 150 გრამით გადააჭარბა
ინდოელი მოჭიდავე, ვინეშ პჰოგატი პარიზის ოლიმპიადაზე გარანტირებულ მედალს დაემშვიდობა. სპორტსმენმა. რომელსაც ფინალში უნდა ეასპარეზა, წონა ვერ ჩააბარა.
„მწუხარებით ვიუწყებით, რომ ვინეშ პჰოგატი 50 კილოგრამამდე წონითი კატეგორიის ფინალიდან მოიხსნა. მიუხედავად ყველა ძალისხმევისა, ის დღეს 50 კილოგრამზე ოდნავ მეტს იწონიდა“, - აცხადებენ ინდოეთის ოლიმპიურ ასოციაციაში.
ინდური მედიის ინფორმაციით, სპორტსმენი დასაშვებ წონაზე 150 გრამით მეტი აღმოჩნდა.
