კანადა დამარცხებულია - საფრანგეთი ოლიმპიადის 1/2 ფინალშია

პარიზის ოლიმპიურ თამაშებზე კალათბურთის დღეა. საფრანგეთი კანადას დაუპირისპირდა და მძიმე ბრძოლაში 82:73 დაამარცხა.

შეიძლება ითქვას, რომ საფრანგეთი მთელი მატჩის განმავლობაში დომინირებდა. შეხვედრა აქტიურად დაიწყეს და პირველი მეოთხედი დიდი უპირატესობით 23:10 მოიგეს.

მეორე მეოთხედი საფრანგეთის სასარგებლოდ 22:19 დასრულდა და პირველი ტაიმის შემდეგ ტაბლოზე 45:29 დაფიქსირდა.

მესამე მეოთხედში კანადამ თამაში შედარებით გამოასწორა 5-ქულიანი უპირატესობით გაიმარჯვა. უკანასკნელ მეოთხედში კანადელებს შედარებით უკეთესი თამაში ჰქონდათ და 23:21-იც გაიმარჯვეს, მაგრამ საბოლოო ანგარიშისთვის ეს საკმარისი არ აღმოჩნდა.

საფრანგეთის მხრიდან საუკეთესო მადრიდის რეალის კალათბურთელი გურშონ იაბუსელე იყო, რომელმაც არასრულ 31 წუთში 22 ქულა, 5 მოხსნა და 1 შედეგიანი გადაცემა დააგროვა.

ცნობისთვის, საფრანგეთის ნაკრები ნახევარფინალში მოქმედ მსოფლიოს ჩემპიონს გერმანიას დაუპირისპირდება.