პსჟ ჯეიდონ სანჩოს ტრანსფერზე მუშაობს
Sky Sports-ის ინფორმაციით, „პარი სენ-ჟერმენმა“ ჯეიდონ სანჩოს ტრანსფერზე მუშაობა დაიწყო. გამოცემის ცნობით, საფრანგეთის ჩემპიონის წარმომადგენლები დაუკავშირდნენ „მანჩესტერ იუნაიტედს“ და პოტენციური შეთანხმების დეტალები განიხილეს.
გასულ სეზონში სანჩოს და „იუნაიტედის“ მწვრთნელ, ერიკ ტენ ჰაგს შორის კონფლიქტის გამო ინგლისელმა შემტევმა სეზონის მეორე ნახევარი იჯარით „დორტმუნდში“ გაატარა.
შესაძლო ტრანსფერის განხორციელებას იმ გარემოებამაც შეიძლება შეუწყოს ხელი, რომ კილიან მბაპეს „რეალში“ გადასვლის შემდეგ პარიზელთა მთავარი მწვრთნელი ლუის ენრიკე მარცხენა გარემარბს ეძებს, ხოლო „მანჩესტერ იუნაიტედი“, თავის მხრივ, პსჟ-ს ურუგვაელი ნახევარმცველის, მანუელ უგარტეს გადაბირებითაა დაინტერესებული.
ავტორი: ედუარდ სააკიანი
