„მერაბი შესანიშნავი მებრძოლია“ | ლეგენდარულმა მწვრთნელმა ომალი VS დვალიშვილზე ისაუბრა

ხავიერ მენდესი MMA-ის ლეგენდარული მწვრთნელია, რომელსაც ლუკ როკჰოლდთან, ხაბიბ ნურმაგომედოვთან, კეინ ველასკესთან, დენიელ კორმიესთან, ბი ჯეი პენთან და სხვა ჩემპიონებთან უმუშავია. UFC-ის სუპერ მსუბუქი წონითი დივიზიონის მებრძოლს, უმარ ნურმაგომედოვს სწორედ მენდესი წვრთნის და მან The Schmo-ს ინტერვიუ მისცა.

მენდესმა შონ ომალისა და მერაბ დვალიშვილის საჩემპიონო ბრძოლაზე ისაუბრა. ლეგენდარულმა მწვრთნელმა დაასახელა ფაქტორები, რომლებსაც გამარჯვებულის ბედის გადაწყვეტა შეუძლიათ.

„მერაბი შესანიშნავი მებრძოლია და იცის, მაყურებელი როგორ აიყოლიოს. რა იქნება გადამწყვეტი დვალიშვილისა და ომალის ჩხუბში? ჩემი აზრით, ყველაფერი დამოკიდებული იქნება იმაზე შეძლებს თუ არა მერაბი თეიქდაუნების რეგულარულად შესრულებასა და პარტერში მეტოქის დაფინიშებას. რაც უფრო დიდხანს წარიმართება ბრძოლა დგომში, მით მეტი შანსი ექნება ომალის, რადგან შონი ბევრად უკეთესი სტრაიკერია და იცის, დისტანცია როგორ აკონტროლოს. დგომში ჩხუბი ომალის აწყობს, პარტერში - მერაბს“.

შეგახსენებთ, რომ დვალიშვილისა და ომალის ბრძოლა ოფიციალურად ჩაინიშნა და მას ლას-ვეგასში მდებარე „სფეროში“, 14 სექტემბერს (თბილისის დროით, 15 სექტემბერს) ვიხილავთ.